Esta resolución  de 22 de decembro pasado,  vai significar a posibilidade de darlle continuidade de formación  ó grupo  de teatro creado recentemente  no Centro San Xerome.

O grupo Xeratrium está composto por 10 xovenes con discapacidade  intelectual, 5 voluntarios que apoian a iniciativa e   dirixidos por Irene Moreira Fontán da Compañía de teatro  Xerpo Cultural de O Porriño.

O proxecto subvencionado ata o próximo mes de xuño, pretende mellorar aspectos tales como:

Neste proxecto a discapacidade non vai ser unha limitación, xa que  as actividades estan deseñadas a medida dos actores e actrices, e o que se lles vai pedir  é  aprender sen frustracións.

A formación vai  impartirse un dia a semana, unha vez rematada a xornada laboral, e complementarase  con 5  monograficos mensuais. Un destes monográficos  será o  de percusión  creativa, e terá lugar na mañán  do próximo 8 de febrero, dia no que celebraremos o 27 aniversario do funcionamento do Centro.

Outros monográficos seran: “actividades circenses”,   “expresión corporal”,  “conta contos” (farase coincidir co  Dia das letras galegas), “autonomía individual e grupal” (a través de  actividades de cociña,  tarefas da casa ...).

Os monográficos serán abertos a  participación de outros  xovenes escolares  da localidade , co que intentaremos fomentar a integración social.

Está previsto que a primeira aparición pública do grupo nesta  segunda fase  da sua  andaina sexa  na  2ª Mostra de teatro non profesional do Baixo Miño “Gabriel Feixó Araúxo”, organizada polo Centro Goianés (Tomiño), I.E.S. A Sangriña (A Guarda) e á Oficina Xuvenil Transfroiteiriza de Tui.