|
Campionato galego de campo a través, celebrado hoxe mércores dia 13 de febreiro no Circuito de Castrelos (Vigo), marcou o inicio da tempada deportiva 2008 dos Clubes adscritos a Federación galega de deporte para discapacitados intelectuais (FEDDI).
O inicio non poido ser mellor para o Club do Baixo Miño, xa que no citado Campionato obtiveron 3 importantes medallas.
Na categoría absoluta masculina , a categoría de competición , o xovencísimo atleta de Estás (Tomiño), David Barbosa Pereira, conseguiu a medalla de bronce, por detrás dos deportistas Fran Pérez e Carlos Oitavén do Club San Rafael de Vigo. Impresionante debut deste deportista do Baixo Miño, que con tan só 19 anos ten unha clara proxección de futuro. Na categoría feminina, Maite Rodríguez Barros, a deportista de Goián, foi terceira por detrás de duas atletas do Club Esclavas de Mos. Na categoría masculina, o rosaleiro Iván Riveiro Flores, é o novo Campión galego da categoría adaptada por diante dos participantes do Club San Rafael de Vigo, e do Club Apader de Cedeira; rematando así unha xornada redonda para o Club San Xerome, bandeira do Baixo Miño nas competicións da FEDDI.
O 27 de febreiro terá lugar a primeira xornada da Liga galega de baloncesto, e o 12 do próximo mes de marzo a primeira xornada da Liga galega de fútbol sala.
Mentres, os martes e os sábados duro traballo nos adestramentos cos entrenadores voluntarios do Club. Interesados en colaborar co Club (voluntarios ou patrocinadores) contactar no número de Tfno. 986 613719 e preguntar por Alberto Portela Liste.
Na fotografía Iván Riveiro Flores, atleta do Rosal, no podium da categoría adaptada no Campionato celebrado hoxe no circuito de Castrelos (Vigo). Sólo los usuarios registrados pueden escribir comentarios.
Por favor valídate o regístrate. Powered by AkoComment 2.0! |
